Bwana Kofia

Bwana huyu pichani jina lake ni “Kofia.” Huitwa hivyo kwa sababu siku zote kofia yake haimtoki kichwani. Yaani yeye kila siku huvaa kofia. Hakuna siku utamkuta hajavaa kofia yake. Ukimwona Jumatatu, utamwona amevaa kofia yake. Ukimwona Jumanne, utamwona amevaa kofia yake. Ukimwona Jumatano, pia utamwona amevaa kofia yake. Ni hali kadhalika kwa siku zote za wiki.

Bwana Kofia ni mfagizi katika ofisi za Baraza la Kiswahili la Taifa jijini Dar es Salaam. Yeye ni mfanyakazi mzuri na kazi zake huzifanya kwa bidii. Ni Mwislamu na ana mke na watoto.